بو عشقین یاسینی ساخلایاجاغام

سن گئدن یوللارا باخمایاجاغام

اغلاسام گیزلیجه اغلایاجاغام

منیم گوز یاشیمی گورمه یه جک سن

طالع اویونلارا اتاجاق سنی

فریادین گویلره چاتاجاق سنین

گوناهین گوزونو توتاجاق سنین

منیم گوز یاشیمی گورمه یه جک سن

او گولن شکلینه باخیب اغلاسام

گوزومه بیر عینک تاخیب اغلاسام

اوزومو اووجوما سیخیب اغلاسام

منیم گوز یاشیمی گورمه یه جک سن

سن ائله بیلمه کی غمدن اوزاقسان

بیر یاغیش التیندا سونن اوجاقسان

اوزومه باخماغا اوتاناجاقسان

منیم گوز یاشیمی گورمه یه جک سن

نصرت کسمنلی